~අම්මගෙ වාසගම කෙටුනා කජු ගලක~
undefined
undefined
| අම්මා නැගිට්ටට තව | නිදි නැගෙනහිර |
| බත් පත උයා කුකුළා | අඩලනට පෙර |
| මල්ලක කජු පොල්ල | කටුවද සිලි කවර |
| යන්නේ අලුත් අරගෙන | වැඩපලට දුර |
| සිලි සිලි කවර ඉරලා | අත ඇඟිලි බැඳ |
| පොරවා දෙදන පහළට | බැංකුවක හිඳ |
| ගල මත විසුරුවා අලු | කජු තලන සඳ |
| විස කිරි මුහුණ සිඹිනට | උඩ පනිනවද |
| තැලුවේ කජු උනත් හිත නිතරම | තැලිනි |
| ඉඳ හිට ලෙලි සමඟ මද කටුවට | ඇමිණි |
| කැඩුවා කියා අම්මට බැන ඒ | බැමිණි |
| දුන්නේ පඩිය රුපියල් සියයක් | පමණි |
| කජු මාළුවට උරුමය නැති ලිපක් | තුළ |
| ලෙලි ඇවිලුනා අම්මා ගෙට ආව | කළ |
| උයලා බත් පතක් සහ මැල්ලුමක් | කොළ |
| කිරි තැවරුණු අතින් කැව්වා ඉනුණි | කෙළ |
| පොල් අතු සෙවිලි යාලත්තේ | මැටි පැලක |
| අම්මගෙ වාසගම කෙටුනා | කජු ගලක |
| බත් පත සැදූ දුප්පත් පොඩි | පැල්පතක |
| පින් බිම මෙයයි එය මට | විතරද මතක |
| |
13 comments:
ජිවන කටුකත්වය....
ලස්සන නිර්මාණයක් යාලුවේ ...
තැන්ක්යූ පුංචි පැංචි
කජු මාළුවට උරුමය නැති ලිපක් තුළ
ලෙලි ඇවිලුනා අම්මා ගෙට ආව කළ
උයලා බත් පතක් සහ මැල්ලුමක් කොළ
කිරි තැවරුණු අතින් කැව්වා ඉනුණි කෙළ
මේ කවියට මාරම එකක් වෙනෝ හිතට..ලස්සනයි අයියෙ..ජය වේවා !!!
තැන්ක්ස් ආදරයේ කුමාරයා :D
Maru drogo wo.. <3
ටෙම්ප්ලේට් එක මාර ලස්සනයි බං.. ඒත් ලෝඩ් වෙන්න ටිකක් වෙලා යනවද මන්ද.. මගේ කනෙක්සම අවුල් නිසාද දන්නෑ..
…හරි
…කවි විතරක්ම ලියන්නැතුව තව දේවල් වලටත් ට්‍රයි එකක් දෙන්න පුලුවන්නම් තමා වැඩිය හොඳ ^_^
තව දේවල් ඉස්සරහට අරන් එන්න තමා හිතන් ඉන්නේ බට්ටෝ
එල එල තැන්ක්ස් ඇ
එල එල ඇ විලි
අම්මාවරුන්ගේ කතාව...
ඊයේ, අද වගේම හෙටත් මෙහෙමම වෙයි. මේ කවි පෙල නම් බොහෝම සංවේදී වුණා. අගෙයි.
තැන්ක්ස් අසෙනි :) :)
ප්‍රේමකීර්තිගෙ සහෝදරයෙක් උබ
ප්‍රේමකීර්තිගෙ සහෝදරයෙක් උබ
Post a Comment